“O TRACTOR”
O pai arou os seus eidos
co vello arado román:
co vello arado de pau
os fillos non ararán.
¡Eu hei de ser tractorista!
¡Co meu tractor tractoeiro
erguerei a miña meda
e encherei o cabaceiro...!
¡Co meu tractor hei arar,
sementar e recoller...!
¡Farei sucos como fíos
que han de ser cousa de ver!
O meu tractor tractoeiro
terá forza de xigante:
¡nen cen parellas de bois
lle porán o pé diante!
Ningún comentario:
Publicar un comentario