mércores, xuño 22, 2016

FIN DE CURSO 2015-2016

Para todos aqueles que non puidéchedes asistir ao festival de fin de curso, así como para todos os que queirades volver a rememoralo, deixámosvos un vídeo que foi proxectado hoxe no salón de actos con diferentes momentos vividos polo alumnado de Educacíón Básica Obligatoria.



luns, xuño 20, 2016

PARTIDAZO



Partidazo entre alumnado e mestres/as . O resultado o de menos. Xornada moi animosa. O curso xa vai rematando😎

mércores, xuño 15, 2016

curso escolar 2016-2017

O curso escolar 2016-2017 comezará o 12 de setembro en Infantil e Primaria e o 15, en ESO, Bacharelato e FP. Consulta aquí o calendario escolar, publicado este mércores no DOG

TAMARA. Curtametraxe sobre unha nena xorda que quere ser xorda.

Tamara é  unha  curta de animación, creado por House Boat Animation Studio, que mostra  a historia dunha nena e o seu  soño por bailar, a pesar das circunstancias.
Deste vídeo podemos quitar moito á rapazada: expresión oral e escrita, se o alumno e capaz de chegar á moralexa da historia, que linguaxes empregan, os xestos das caras comunican, etc 
Fíxemolo na 1º hora e resultou moi positivo o traballo.

martes, xuño 14, 2016

Valorar e coidar as mestras do Centro

Manuel María códigos QR Pinchade e accede á seguinte  noticia, a que vos soa¿ pois sí unha mestra do centro fixo un traballo similar pero sen tanta repercusión e recoñecemento, ao igual que as múltiples  actividades en torno á figura de M. María se fixeron dende  dinamización da lingua galega: calendario escolar, videopoemas, os soños na gaiola, etc . Sen esquecer o traballo das mestras noutros ámbitos curriculares ademáis do facer cotiá nas aulas.  Así que gabemos o bo traballo feito polas mestras do Navalón.

Día nacional da LSE


Anticipar as vacacións

Como xa saberedes, o martes 21 de xuño, se finalmente o tempo nos dá unha tregua, imos ir de excursión de fin de curso á zona do Ézaro. Estes días o noso alumnado está nervioso pola inminente actividade, coincidindo ademáis co fin de curso e as vacacións. Por iso, para anticipar ámbalas dúas cousas, elaboramos este calendario con pictogramas para o alumnado con máis dificultades que podedes imprimir na casa e colocar no frigorífico ou  nalgún outro sitio ao alcance dos rapaces. Cada día, podedes riscar cunha cruz os día que van pasando e contar os que faltan para as vacacións.

Esperamos que vos sexa útil!


Para descargalo con maior calidade, podedes pinchar aqui.

xoves, xuño 09, 2016

G4 paseo+fotos+cafetaría

No día de onte saimos dar un paseo polas rúas de Compostela quitando unhas fotos para o concurso de fotografía . Despois paramos nunha cafetaría facer unha práctica de autonomía persoal e habilidades sociais.





mércores, xuño 08, 2016

Os vermes de seda II

Os nosos vermes de seda, como di o propio título do conto co que estamos a traballar, son moi lambóns. Durante estas semanas non pararon de rillar e rillar nas follas de moreira ata facerse moi longos e gordechos. Aquí podedes ver a evolución dos mesmos antes e despois da última muda que lles permitiu crecer ata chegar a ser como son agora. 


Dende a fin de semana pasada, os nosos 38 vermes de seda foron construido pouco a pouco as súas crisálidas. De feito, a día de hoxe só quedan dous sen facela. O alumnado gozou moito da experiencia mentres aprenderon un montón de cousas. 


Deixámosvos un vídeo que grabamos a cámara rápida no que se ve un verme en pleno proceso de construcción. Esperamos ansiosos a que se complete a metamorfose e poder ver as bolboretas saír dos seus capullos.

martes, xuño 07, 2016

O CONTO VIAXEIRO (PARTE II)

Este é o resultado das dúas sesión do Conto Viaxeiro.Os debuxos elixidos desta volta foron os de Uxía, do Rodríguez Xixirei e o de José M. do mesmo CEE Manuel López Navalón.



O título é :

Combatendo a escuridade nas catacumbas da catedral

 

Lucente contoulles como no seu planeta a Doutora XXL acabara coas bibliotecas, coa arte e mesmo coa lingua. Agora era o Planeta da Escuridade. Non podían permitir que fixese o mesmo coa Terra!

Mentres estaban a falar viron a gran nave da malvada Doutora aterrar na Alameda. Correron cara alí para enfrontarse a ela. Cando chegaron, xa non estaba. Entón Lucente tivo unha idea:

- Co meu raio podo facer que estas estatuas revivan e igual elas viron por onde escapou esa malvada. As estatuas eran as Marías.

As Marías, agradecidas por lles devolveren a vida, dixéronlles que a malvada escapara cara á catedral. Xa na catedral, deron con ela nas catacumbas. 

Papelín atacouna co seu superpapel, pero a Doutora XXL protexíase cun cristal no que o papel rebotaba.

Entón Lucente lanzou un raio co que conseguiu romper o cristal da Doutora e Papelín e mais Supertoalliña lograron detela.

xoves, xuño 02, 2016

VERME DA SEDA

 A continuación podedes ver e descargar a unidade didáctica correspondente aos vermes da seda.

COMPRENSIÓN A PARTIR DE CURTAMETRAXES DE ANIMACIÓN

Esta semana traballamos a comprensión lectora a partir das seguintes curtametraxes de animación. Si estades interesados no seginte enlace podedes descargar o cadernillo en pdf. http://blogunmundoespecial.blogspot.com.es/2015/10/comprension-partir-de-cortos-de.html






mércores, xuño 01, 2016

ATA SEMPRE, LORENA!

Esta mañá tocounos despedirnos da mestra Lorena, a titora do grupo 5 durante estes últimos tres meses.
Fixémoslle unha pequena sorpresa a última hora da mañá e, pola súa cara, creemos que lle gustou moito.
Gracias por acompañarnos este tempo e por ensinarnos tanto. 

Que teñas moita sorte!






luns, maio 23, 2016

Os vermes de seda

Neste terceiro trimestre, a mestra Almudena tróuxonos ovos de vermes de seda e decidimos criar cada clase cadanseus vermes, o que dou lugar a que na nosa aula comezásemos a traballar nun pequeno proxecto: Unha eiruga moi larpeira.


Este é o título do libro de Eric Carle que estamos a empregar para desenvolver o noso proxecto. Este recurso ofrécenos moitísimas posibilidades didácticas, non so para descubrir o proceso de cria de vermes de seda senón para reforzar a aprendizaxe dos días da semana, os números, os alimentos, a pirámide nutricional, etc.

Se premedes AQUI escoitaredes o conto narrado polo alumnado dun centro da nosa comunidade.

Ademais, a continuación podedes ver os vídeos que grabamos esta última semana nos cales vense (de xeito acelerado) aos nosos vermes rillando na moreira, a única planta da que se alimenta. Tamén é moi curioso o último vídeo do proceso de muda da pel que realizan para poder crecer cada vez máis ata fabricar a súa propia crisálida e así poder converterse nunha bolboreta.






Xa vos iremos ensinando máis fotos do proceso!

xoves, maio 19, 2016

Despedida de Carlota

Hoxe tivemos que dicir "ata pronto" a unha das nosas alumnas, Carlota. Espéralle unha nova etapa e aínda que non volverá a compartir espazo físico con nós, sempre ocupará un espazo nos nosos corazóns. Por iso, para dar un alegre final a esta xornada de despedidas, quixemos facer unha gran festa con todos os seus compañeiros de Educación Básica.


Aquí, podedes ver tamén o vídeo que elaboramos con imaxes de diferentes actividades ou celebracións que realizamos ao longo deste curso.


   

 Moita sorte, Carlotiña!

venres, maio 13, 2016

MARCAPAXINAS LETRAS GALEGAS 2016



Con motivo da conmemoración deste día adicado á persoa de
Manuel María , o EDLG do
CEE Manuel López Navalón adaptou e
pictogramou o poemario
“Canta o cuco”
para
faceren máis accesible ao alumnado este tipo
de literatura.
A través deste código QR podedes acceder ao
documento dixitalizado para consultalo. Só
precisades un teléfono móbil e descargar
unha aplicación gratuíta
para escanear o
código (por exemplo, QR Code Reader, QR
Droid Code Scanner ou outras semellantes).
 
ESPERAMOS QUE GOCEDES DA LECTURA!

xoves, maio 12, 2016

O CONTO VIAXEIRO

Hoxe tivevemos a sesión correspondente ao conto viaxeiro. Grazas a Tono e Siro polo seu bo facer.










Que é?

O Conto viaxeiro é unha iniciativa das Concellarías de Educación e Normalización Lingüística do Concello de Santiago para contribuír a dinamizar o uso da lingua galega nas primeiras idades, ofrecendo aos centros de ensino e centros socioculturais do  concello un recurso didáctico e lúdico: a construción dun conto colectivo.
Esta actividade componse de varias sesións, en cada unha das cales, a través de diferentes dinámicas de creación artística e literaria, vanse introducindo os elementos constituíntes do conto: lugares, personaxes, situacións, conflitos… favorecendo o coñecemento e a reflexión sobre o contorno lingüístico e cultural.

 Neste blog (http://contoviaxeiro.santiagodecompostela.org/blog/, ademais de ir dando conta da progresión do conto e do traballo dos nenos e nenas, tamén se incorporarán propostas de utilización didáctica para as idades de referencia (primeiro e segundo ciclo de educación primaria) ás que poderá acceder libremente o profesorado e as familias.


Folla de ruta 2016

1ª sesión: 25 de abril, ás 10h. 4º de Primaria do CEIP López Ferreiro
2ª Sesión: 26 de abril, ás 10h. 3º de Primaria do CEIP López Ferreiro
3ª Sesión: 26 de abril, ás 16h. 4º de Primaria do Colexio Nosa Señora dos Remedios
4ª Sesión: 27 de abril, ás 12h. 4º de Primaria do CPR Divino Mestre
5ª Sesión: 2 de maio, ás 10h. 2º de Primaria do CEIP Pío XII
6ª Sesión: 2 de maio, ás 15h. 2º de Primaria do Colexio A Milagrosa
7ª Sesión: 6 de maio, ás 9.30h. 3º e 4º de Primaria do Colexio San Jorge
8ª Sesión: 6 de maio, ás 11.30h. 1º e 2º de Primaria do Colexio San Jorge
9ª Sesión: 10 de maio, ás 10h. 1º de Primaria do CEIP Vite 1
10ª Sesión: 11 de maio, ás 12h. 2º de Primaria do CEIP Mestre Rodríguez Xixirei
11ª Sesión: 12 de maio, ás 10h. Últimos ciclos do CEE Manuel López Navalón
12ª Sesión: 12 de maio, ás 12h. Primeiros ciclos do CEE Manuel López Navalón
13ª Sesión: 16 de maio, ás 10h. 4º de Primaria do CEIP de Roxos

mércores, maio 11, 2016

MÚSICA: O BIGOTE DE MIMÍ (Manuel María)


Aquí vos deixamos algunhas das cancións ( Luis Valecillo )que forman parte deste concerto,  sobre o libro de Manuel María"O bigote de Mimí" , para que vaiades abrindo os oídos. Se queres escoitar a canción só tes que clickar na súa imaxe:
 

Sobre Manuel María

martes, maio 10, 2016

Letras galegas 2016

O venres imos facer un maratón de  lectura de poemas de Manuel María, que como xa sabedes é o autor homenaxeado este ano, imos participar toda a comunidade educativa, nenos, conserxes, coidadores, cociñeiros....e gustaríanos que tamén algún pai ou nai participase, vai ser ás 12 no salón de actos.
Agradecemos por adiantado a todos a vosa colaboración.




Parabéns Xián!!!!

Onte estivo de aniversario o noso Xián, cumpriu catorce anos, xa é un mozo.
Trouxo unha tarta de chuches que estaba boísima, cantamos, comimos, bailamos.....en fin pasamos unha xornada estupenda.






xoves, maio 05, 2016

Visita á Policía Local de Santiago

Grazas á Policía pola visita guiada e o bo facer, sobre todo a Carlos e Diana. E ao  Concello pola  iniciativa.

martes, maio 03, 2016

Feliz Día da Nai

En primeiro lugar, pedir disculpas por non colgar antes o video pero foime imposible.
Que pasen un bonito día, Señoras!!!


luns, abril 25, 2016

As razóns do galego

Este artigo que hoxe inclúo no apartado “Ensaios” da miña web (http://agustinfernandezpaz.gal) apareceu anteriormente na revista LUZES (nº 15; febreiro, 2015). Tal como digo no inicio do texto,
«O motivo que me levou a escribilo non foron os datos publicados en decembro de 2014 polo Instituto Galego de Estatística (IGE) referidos ao coñecemento e uso do galego. O devalo da lingua que reflicten, sobre todo na cidadanía máis nova, xa foi comentado e analizado en diversos traballos cos que me sinto identificado.
Non foron os datos, senón as posteriores declaracións dos principais responsables da política lingüística aplicada en Galicia: o presidente da Xunta, Núñez Feijoo; o ex-conselleiro de Educación e Cultura, Xesús Vázquez; e o secretario xeral de Política Lingüística, Valentín García. Esas declaracións –e tamén as dalgún comentarista con presenza habitual en medios escritos– son as que me levan a lembrar dez puntos que explican non só os datos do IGE, senón tamén a axenda oculta da política lingüística emprendida polos gobernos de Núñez Feijoo.»
1. A lingua é de todas as persoas, ten unha dimensión colectiva. Naceu hai máis de mil anos neste país e non é propiedade de ningún grupo político ou social. Perténcenos a todas as persoas que vivimos e soñamos nel e ás que chegan a Galicia desde calquera lugar do mundo e deciden quedar aquí. E, xaora, á xente que ten na nosa terra as súas raíces e anda espallada polo mundo adiante.
Para entender os problemas sociolingüísticos que hoxe experimenta a lingua convén ter moi presente a súa historia, que é tamén a dos seus falantes, porque nela están as raíces de moitos das dificultades ás que nos enfrontamos hoxe. Por exemplo, é a que explica os prexuízos existentes arredor do galego (rural, atrasado, localista, pailán, inútil…), os mesmos que revitalizaron con forza as políticas de Núñez Feijoo.
2. Os prexuízos e as actitudes negativas son o principal obstáculo para un uso normalizado da lingua. Funcionan como unhas “leis invisibles” que seguen orientando os comportamentos lingüísticos de boa parte da poboación. Sen eles non se podería entender un fenómeno moi relevante: a invisibilidade social da lingua. Aínda que a entende a práctica totalidade da poboación e a fala unha ampla porcentaxe, ten unha presenza social moito menor da que lle correspondería. O galego é, en certo sentido, unha lingua oculta. Esta invisibilidade social da lingua acada proporcións preocupantes nos ámbitos urbanos, onde semella haber zonas e situacións en que falar galego se vive como unha transgresión social.
3. O estatus do galego como lingua oficial, xunto co castelán, e o recoñecemento como «lingua propia de Galicia», serviron para construír un precario marco legal tras a morte de Franco. Malia o escaso entusiasmo dos gobernos autonómicos e a desconfianza das elites sociais, económicas e mediáticas, o galego foi acadando ámbitos e funcións que antes lle estiveran vedados.
A pedra angular deste marco legal é a Lei de Normalización Lingüística (1983). Dela quero salientar o artigo onde se di que naquelas etapas en que o ensino é obrigatorio, o Goberno garantirá que o alumnado acade unha competencia semellante nas dúas linguas oficiais.
No ano 2004, o goberno de Fraga Iribarne promoveu a elaboración dun Plan Xeral de Normalización da Lingua (PXNL). Nela participou un amplo número de representantes da sociedade civil e, tras posterior revisión, aprobouse por unanimidade no Parlamento Galego.
O PXNL facía unha radiografía da situación social do galego, estruturada en sete grandes apartados. Partindo desa radiografía, propuña uns obxectivos a medio prazo e un amplo repertorio de medidas para acadalos. Unha completa folla de ruta para as actuacións dos Gobernos autonómicos nas primeiras décadas do século XXI.
4. No ano 2006 accedeu ao goberno a coalición PSdeG-BNG. Na segunda parte da lexislatura aprobou un novo decreto que regulaba a presenza das linguas no ensino non universitario, elaborado seguindo as pautas do Plan Xeral. Isto provocou o ataque dos sectores opostos á normalización social do galego, apoiados con entusiasmo polo PP. O mesmo partido que promovera o PXNL rompeu todos os consensos para conseguir un rendemento electoral.
Foron os anos de falacias como la imposición del gallego, la defensa de la libertad lingüística ou el derecho de los padres a elegir, espalladas polos principais xornais de Galicia e polos da dereita madrileña. Mentiras que acabaron por instalarse nun sector da sociedade e contribuíron a que o PP gañase as eleccións do ano 2009.
5. Este primeiro goberno dun PP iniciou unha intensa contrarreforma co obxectivo de afogar as actuacións lingüísticas e culturais que agromaran co goberno bipartito. Sen ánimo de ser exhaustivo, cito aquí algunhas delas: eliminación das axudas económicas aos programas experimentais de ensino en galego en E. Infantil (maio, 2009); modificación do decreto que regulaba o currículo de E. Infantil, para dificultar na práctica a presenza do galego (maio, 2009); eliminación da esixencia de coñecemento do galego para acceder á función pública (xuño, 2009); derrogación do Decreto 124/2007 que regulaba o uso das linguas no ensino (xuño, 2009); modificación da normativa das galescolas de E. Infantil (agosto, 2009); recorte dos orzamentos para os ENL dos centros educativos (xaneiro, 2010); supresión das axudas para a promoción do galego nos concellos (setembro, 2009); supresión da proba de galego nas oposicións á docencia (febreiro, 2010); paralización das páxinas web que divulgaban a música e a literatura en galego; desmantelamento de Man Común, a plataforma de software libre en galego; diminución das axudas á edición e á tradución; paralización das medidas contempladas na Lei do Libro e da Lectura, como a creación do Instituto Rosalía de Castro para a promoción exterior… E, xaora, unha brutal diminución dos orzamentos destinados a política lingüística (21,5 millóns no 2009; 6,7 para o 2015).
6. Ademais das anteriores, as dúas actuacións principais que centraron esta cruzada contra o galego foron, en primeiro termo, a loita xurídica e ideolóxica para aprobar o chamado «Decreto para o Plurilingüismo no ensino non universitario de Galicia». Un decreto que diminuíu de xeito dramático a presenza do galego no ensino, que prohibiu a súa utilización nas materias científicas, que retirou e destruíu os libros de matemáticas, que varreu o galego das aulas de Educación Infantil nas cidades… Un decreto que foi parcialmente anulado polo Tribunal Superior de Xustiza de Galicia e que aínda está pendente do recurso de casación que a RAG presentou perante o Tribunal Supremo.
7. A outra actuación que quero salientar é para min a máis grave, pola persistencia dos efectos que produce: trátase da revitalización dos prexuízos contra a lingua. Mediante declaracións e actos un día si e outro tamén, e amparándose nunha utilización espuria do concepto liberdade, o goberno e os medios afíns conseguiron estender na sociedade novos prexuízos e fomentar as actitudes negativas.
Empregar o galego na vida social volveu ser unha práctica connotada. Dun xeito implícito, o que se nos pide ás persoas que temos o galego como lingua habitual é que sexamos amables e cordiais: que cambiemos de lingua nos despachos, nos comercios, nas consultas… para evitar conflitos. Abaixar a cabeza e claudicar en ámbitos adversos, deixar o galego para cando esteamos na casa ou con persoas de confianza: unha lingua só para o guetto, o ámbito da liberdade restrinxida.
8. O resultado destas actuacións é o que reflicten os datos do IGE. No ámbito do ensino, unha ampla porcentaxe do alumnado non emprega nunca o galego. En moitos casos non o falan porque non saben, como moi ben explicou Xabier P. DoCampo. E, nos casos en que saben, os prexuízos lévanos (a eles e ás súas familias) a rexeitar o seu uso, porque non resulta atractivo empregar unha lingua alcumada de radical, de atrasada, de limitadora, de inútil, de imposta. O modelo está nos que nos mandan: empregalo só en certas ocasións, nun práctica percibida como ritual e falsa.
O camiño para contrarrestar isto pasa polas medidas deseñadas no PXNL, porque un ambiente favorable ao emprego do galego non se produce espontaneamente. Unhas medidas nas que nunca deben faltar dúas constantes: o exemplo práctico de que o galego se pode usar para calquera función e a vontade de crear actitudes positivas cara á lingua.
9. E unha hipocrisía estrañarse dos datos do IGE ou non verlles relación coa política aplicada, pois son o resultado lóxico das medidas adoptadas. Calquera manual de sociolingüística explica que coas porcentaxes de emprego do galego no ámbito escolar, nun contexto de actitudes negativas, os datos teñen que ser os do IGE. E se non son peores é polo esforzado labor de tantos docentes que traballan para cumprir os obxectivos sinalados na Lei de Normalización de 1983.
De querer tamén iso o goberno, tería que cambiar de rumbo e camiñar na dirección correcta: a de conseguir que o alumnado sexa competente nas dúas linguas oficiais. E a crear ámbitos de uso, de maneira que os galego falantes non se vexan obrigados a ocultar a súa lingua, sexa na escola, no médico ou na notaría.
10. Se non se quere que haxa cidadáns de primeira e de segunda, teñen que crearse as condicións para que se poida vivir en galego coa mesma normalidade coa que se pode facer en castelán. Entre outras cousas, é preciso que a poboación sexa competente nas dúas lingua oficiais, para que logo cadaquén decida libremente se usa unha ou outra nos diferentes ámbitos e situacións. A dobre competencia é imprescindible para garantir a liberdade lingüística.
Esta dobre competencia xa a posuímos todos os cidadáns que temos o galego como lingua habitual, mais o contrario non ocorre. É falsa a oposición entre castelán falantes e galego falantes. En todo caso, a oposición sería entre os que temos competencia bilingüe e os que se obstinan no mantemento da competencia monolingüe vivindo nun país con dous idiomas oficiais.



venres, abril 15, 2016

Buscamos contacontos para o Día do Libro.

O vindeiro día 25, 27, e 29 de abril teremos a conmemoración do Día  do Libro, no marco da programación de actividades destinadas ao fomento da lectura e dinamización da Biblioteca. Todas aquelas persoas da comunindade educativa interesadas en participar como "contacontos" pode porse en contacto con Almudena ou Manuel.
Grazas pola vosa axuda.

A FALA

Perderte é ficar mudos,
matar a conciéncia popular,
esmorecer,
esvairse nunha Terra
sen froito e sen ledícia,
aguniar no tempo conquistado,
entregar o futuro ao nemigo.

Nen pistolas nen leis
poderán contra ti.
Sulagaremos as illas
onde te queren gardar.
Derrubaremos os museos
que están a construir
para ti.

(O ferro dos dias, Lois Diéguez, 1982)

xoves, abril 14, 2016

"FEO"

A semana pasada saímos dúas veces ao Teatro Principal, onde xa somos moi coñecidos.
Un dos días foi ver a obra de teatro "FEO", que é unha adaptación do conto de Andersen da Compañía de teatro "CARAMUXO", gustounos moitísimo.
Ao día seguinte Juán o actor da obra, veu ao Colexio a facer un obradoiro sobre a mesma. Pasámolo en grande, ademáis vimos que Juán ademáis de ser un moi bo actor é unha moi bela persoa.
Para a ocasión fixemos todos os nenos un taller de pintura e manualidades para adornar os corredores do cole cos parrulos da obra ( paperinis).
GRACIAS!!!!!


















 Este parrulo pintaronno os nenos da Clase de Desi con papel de burbullas posto nos pés, a que quedou chulo?





Ana é unha "artista".

A profe Ana está feita unha artistaza, fixo para súa clase uns libros e uns taboeiros sensoriais chulísimos.
Aos nenos e as nenas encántanlles, si por eles fora , non farían outra cousa. Quero que os vexades.